ඉදිරි පැය 36දී ප්රදේශ කිහිපයකට මි.මී 100 ඉක්මවූ තද වැසි
ඉදිරි පැය 36 සඳහා බලපැවැත්වෙන පරිදි කාලගුණ විද්යා දෙපාර්තමේන්තුව විසින් අද (31) සවස 04.00ට විශේෂ නිවේදනයක් නිකුත් කර තිබේ.
එම නිවේදනයට අනුව බස්නාහිර, සබරගමුව සහ වයඹ පළාත්වලටත් මහනුවර, නුවරඑළිය, ගාල්ල සහ මාතර දිස්ත්රික්කවලටත් විටින් විට වැසි ඇති විය හැකියි.
මෙහිදී ඇතැම් ප්රදේශවලට මිලිමීටර් 100 ඉක්මවූ තද වැසි ඇතිවීමේ හැකියාවක් පවතී.
මාතලේ, අනුරාධපුර සහ හම්බන්තොට දිස්ත්රික්කවල වැසි ස්වල්පයක් ඇති විය හැකි අතර, දිවයිනේ සෙසු ප්රදේශවල ප්රධාන වශයෙන් වියලි කාලගුණික තත්ත්වයක් පවතිනු ඇතැයි අපේක්ෂා කෙරේ.
මීට අමතරව උතුරු, උතුරු-මැද, මධ්යම, වයඹ සහ සබරගමුව පළාත්වලත් මොණරාගල, හම්බන්තොට සහ ත්රිකුණාමලය දිස්ත්රික්කවලත් විටින් විට පැයට කිලෝමීටර් 40ත් 50ත් අතර තද සුළං ඇති විය හැක.
