ප්‍රබල අකුණු පිළිබඳ අවවාදාත්මක නිවේදනයක්
දිවයිනේ සියලුම පළාත්වලට බලපැවැත්වෙන පරිදි ප්‍රබල අකුණු පිළිබඳ අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබෙනවා.
මෙම නිවේදනය අද (14) පෙරවරු 11 සිට හෙට (15) අලුයම 1 දක්වා වලංගු වන බවයි එම දෙපාර්තමේන්තුව සඳහන් කරන්නේ.
ඒ අනුව, දිවයින පුරා බොහෝ ප්‍රදේශවල තැනින් තැන ගිඟුරුම් සහිත වැසි සමඟ ප්‍රබල අකුණු ඇතිවීමේ වැඩි හැකියාවක් පවතිනවා.
එමෙන්ම, ගිඟුරුම් සහිත වැසි ඇතිවන අවස්ථාවලදී අදාළ ප්‍රදේශවල තාවකාලිකව තද සුළං ද ඇතිවිය හැකි බව කාලගුණ විද්‍යා දෙපාර්තමේන්තුව අනතුරු අඟවනවා.
