ශ්‍රී ලංකා ගුවන් හමුදාවේ 72වන සංවත්සරය නිමිත්තෙන් ආගමික වැඩසටහන් – නදීක දයා බණ්ඩාර
ගුවන් හමුදා රණවිරුවන් සැමරීම නිමිත්තෙන් ශ්‍රී දළදා මාලිගාව කේන්ද්‍ර කොට පැවැත්වෙන ආගමික වැඩසටහන් ගුවන් හමුදාපති එයාර් මාෂල් උදේනි රාජපක්ෂ මහතාගේ ප්‍රධානත්වයෙන් අද (23) පැවැත්විණි.
ගුවන් හමුදාවේ 72 වන වාර්ෂික සංවත්සර සැමරුමට සමගාමීව මෙම අගමික වැඩසටහන් සිදුවිය.
ගුවන් හමුදාවේ සේවය කොට ක්‍රියාන්විත රාජකාරීයේදී මරණයට පත් රණවිරුවන්ට පුණ්‍යානුමෝදනා කිරීම සහ සමස්ථ රණවිරුවන් සඳහා ආශිර්වාද කිරීම නිමිත්තෙන් මහා සංඝරත්නය විෂයෙහි දානමය පුණ්‍යකර්මයක් ශ්‍රී දළදා මාලිගාවේ දාන ශාලාවේදි පැවැත්විණි.
අස්ගිරි පාර්ශවයේ මහා නායක අතිපූජ්‍ය වරකොගොඩ ඤාණරතන හිමි, මල්වතු පාර්ශනයේ අනුනායක පූජ්‍ය දිඹුල්කුඹුරේ විමලධම්ම හිමි, අස්ගිරි පාර්ශවයේ අනුනායක පූජ්‍ය අණමඩුවේ ධම්මදස්සි හිමි, මල්වතු පාර්ශවයේ අනුනායක පූජ්‍ය නියංගොඩ විජිතසිරි හිමි ඇතුලු මහා සංඝරත්නය මෙම අවස්ථාවට වැඩම කොට සිටියහ.
