අනවශ්ය දෑ ඉවත් කිරීමට “සෙයිරි” ඉදිරියට!
රාජ්ය ආයතනවල ගොඩගැසී ඇති අනවශ්ය දෑ ඉවත් කිරීම සදහා විශේෂ වැඩපිළිවෙලක් අද, සැප්තැම්බර් 01 දා සිට ක්රියාත්මක කිරීමට රජය පියවර ගෙන තිබේ.
අද සිට දින 4ක් ක්රියාත්මක කිරීමට නියමිත මෙම වැඩපිළිවෙල , “සෙයිරි සතිය“ නමින් ප්රකාශයට පත් කර ඇත.
“සෙයිරි සතිය” පිළිබඳව, රාජ්ය පරිපාලන පළාත් සභා සහ පළාත් පාලන අමාත්යාංශ ලේකම්වරයා විසින් විශේෂ චක්රලේඛයක් නිකුත් කර ඇති අතර එය සියලු අමාත්යාංශ ලේකම්වරුන්, පළාත් ප්රධාන ලෙක්ම්වරුන්, දෙපාර්තමේන්තු ප්රධානීන්, දිස්ත්රික් ලේකම්වරුන්, රාජ්ය සංස්ථා හා ව්යවස්ථාපිත මණ්ඩල ප්රධානීන් වෙත යොමුකර ඇති බව සඳහන් වේ.
රාජ්ය ආයතන තුළ සිටින නිලධාරීන් හට තම රාජකාරී කටයුතු නිසි පරිදි නිදහස්ව සිදු කිරීමට සුදුසු පිරිසිදු හා සෞඛ්ය ආරක්ෂිත වටපිටාවක් නිර්මාණය කිරීම අරමුණු කරගනිමින් මෙම වැඩපිළිවෙල ක්රියාත්මක කර ඇත.
මෙම වැඩපිළිවෙල, ක්ලීන් ශ්රී ලංකා ජාතික වැඩසටහනට සමගාමීව ක්රියාත්මක කිරිමට නියමිත අතර අවශ්ය දෑ සහ අනවශ්ය දෑ හඳුනාගැනීම හා අනවශ්ය දේ බැහැර කිරීම මෙහිදි සිදුකිරීමට නියමිත බව වාර්තා වේ.
