ප්රවීණ රංගධර, කලාසූරී සතිස්චන්ද්ර එදිරිසිංහ සමුගනී!
සිංහල රංග කලාවට අගනා සේවයක් ඉටු කළ ප්රවීණ රංගධර කලාසූරී සතිස්චන්ද්ර එදිරිසිංහ මහතා අභාවප්රාප්ත වී තිබේ. මියයන විට ඒ මහතා 84 වන වියේ පසුවිය.
අසනීප තත්ත්වයක් හේතුවෙන් පෞද්ගලික රෝහලක ප්රතිකාර ලබමින් සිටියදී ඊයේ (22)රාත්රී ඒ මහතා අභාවප්රාප්ත වූ බව වාර්තා වේ.
මේ වන විට දේහය කැලණිය, නුංගමුගොඩ පිහිටි ඒ මහතාගේ නිවසේ තැන්පත් කර ඇති අතර, අවසන් කටයුතු පිළිබඳ තොරතුරු පසුව දැනුම් දෙනු ලැබේ.
ප්රවීණ ගායන ශිල්පී සුනිල් එදිරිසිංහ මහතාගේ සහෝදරයා වන සතිස්චන්ද්ර එදිරිසිංහ මහතා රංගනයෙන් මෙන්ම අධ්යක්ෂණයෙන් ද කලාකෙත පෝෂණය කිරීමට සමත්වූ අසහාය කලාකරුවෙකි.
1941 පෙබරවාරි 10 වනදා කැලණියේ උපත ලැබූ පැටිකිරිගේ සතිස්චන්ද්ර එදිරිසිංහ මහතාගේ කලා දිවිය අඩසිය වසරකට එහා ගිය අතීතයකට උරුමකන් කියයි.
1986 වසරේ දී තිරගත වූ ගාමිණී ෆොන්සේකා විසින් අධ්යක්ෂණය කළ ‘කෙටි වලිගය’ චිත්රපටයේ සතිස්චන්ද්රයන් සිංහල තරුණයෙකුගේ චරිතයට තත්ත්පර 90ක කාලයක් රංගනයේ යෙදී සම්මානයට ද පාත්රවිය. එමෙන්ම 1987 වසරේ සරසවි සම්මාන උළෙලේ දී භික්ෂූන් වහන්සේ නමක් ලෙස රඟපෑ සතිස්චන්ද්රයන්ගේ රංගනය කුසලතාවය වෙනුවෙන් විශේෂ ජූරී සම්මානයක් ද හිමිවුණි.
මේ අතර 1963 දී සතිස්චන්ද්රයන්ගේ මුල්ම නාට්ය නිෂ්පාදනය වූ ‘බකතපස්’ වේදිකා නාට්ය වේදිකාගත වුණි.
