මාලිමාවේ සභාපති ගේ තර්ජන වලට බියෙන් ආරච්චිකට්ටුව ප්රාදේශීය සභාවේ ලාබාලතම සභිකවරිය ඉලා අස් වෙයි ?
ආරච්චිකට්ටුව ප්රාදේශීය සභා සභාපතිවරයා බැන තර්ජනය කර සභාවෙන් පළවා හැරියේ යැයි කියන සිද්ධිය හේතුවෙන් සමගි ජනබල වේගයේ සභිකවරිය ඉල්ලා අස්වීමට තීරණය කර තිබෙනවා.
මෙලෙස ඉල්ලා අස්වීමට තීරණය කර ඇත්තේ ආරච්චිකට්ටුව ප්රාදේශීය සභාවේ ලාබාලතම සභිකවරිය වන සමගි ජනබල වේගයේ නිකිනි අයෝධ්යා (21) යි.
අද (13) පස්වරුවේ හලාවත සමගි ජන බලවේගයේ ප්රධාන කාර්යාලයේ පැවති මාධ්ය හමුවකදී මන්ත්රීවරිය මේ බව සඳහන් කළා.
පළාත් පාලන ආයතන කාන්තා සංසදය මේ මාධ්ය හමුව කැඳවා තිබු අතර මේ සදහා සමගි ජන බලවේගය හා ශ්රී ලංකා පොදුජන පෙරමුණ නියෝජනය කරමින් සභිකවරියන් පැමිණ සිටියා.
මෙහිදී එම සංසදයේ සභාපතිනි ඩේලියා ප්රනාන්දු මෙහිදී කියා සිටියේ කාන්තාවකට ‘බුරු දෙන’ ලෙසින් ප්රකාශ කිරීම තරයේ හෙලා දකින බවයි. ඒ හේතුවෙන්
මෙම සභාපතිවරයා වහාම මානසික රෝග වෛද්යවරයෙකුට පෙන්වා සධාරණයක් කරන’ ලෙස ද මෙහිදී ඇය ඉල්ලා සිටියා.
ආරච්චිකට්ටුව ප්රාදේශීය සභාවේ සභාපති ජයරත්න ජයසේකර තමන්ට බැන තර්ජනය කිරීමේ සිද්ධියක් සම්බන්ධයෙන් ආරච්චිකට්ටුව පොලිසියට පැමිණිල්ලක් කර තිබුණේ ඊයේ (12) පස්වරුවේදියි.
‘ මම ගියේ මන්ත්රී හැදුනුම්පත රැගෙන එන්න. ඒක තිබුණේ සභාපතිවරයා ළඟ. මම ගිහින් හැදුනුම්පත ඉල්ලුවම මට බැනගෙන බැන ගෙන ගියා. ‘බුරුවා’ කිව්වා. ඔය කාලකන්නි මුණු දකින්න කැමති නැහැ කිව්වා. අවුරුදු තුනටම කිසි දෙයක් දෙන්නේ නැහැ කිව්වා. මට ඇඩුනා. මම එළියට ආවා. ඊට පස්සේ කාර්යාල සහයක ඇවිල්ලා මට හැදුනුම්පත දුන්නා. අපි දේශපාලනයට ආවේ ගමට යමක් කරන්න. නමුත් දේශපාලනයට එන කාන්තාවන්ට පිරිමින්ගේ ඇනුම් බැනුම්. ඒ වගේම තව තව දේවලට යට වෙලා පෑගිලා ඉන්න තමයි වෙන්නේ. මම ඉල්ලන්නේ මේ සම්බන්ධයෙන් පරීක්ෂණයක් කරන්න කියලයි” සභිකවරිය එසේ පැවසුවා.
මේ සම්බන්ධයෙන් ආරච්චිකට්ටුව ප්රාදේශීය සභාවේ සභාපති ජයරත්න ජයසේකරගෙන් කළ විමසීමේදී ‘තමන් කාර්යාලයෙන් එළියට යන ලෙස මේ කාන්තා මන්ත්රීවරියට දැනුම් දුන් බවත් ඒ අවස්ථාවේ ප්රශ්න කීපයක් මුල් කරගනිමින් පීඩනයෙන් සිටි බවත් පිළිගත්තා.
‘පෙරේදා 11 අයවැය අවස්ථාවේදී විපක්ෂයේ හැසිරීමද මෙම තත්වයට හේතුවක් වූ බවද’ සභාපතිවරයා පැවසුවා.
