විශේෂ කාර්ය බලකාය සඳහා යතුරුපැදි 100ක් සහ ත්රිරෝද රථ 50ක් මිල දී ගැනීමට කැබිනට් අනුමැතිය – හිරුණි ලක්ෂිකා
විශේෂ කාර්ය බලකාය සඳහා එන්ජින් ධාරිතාව 125cc ප්රමාණයේ යතුරු පැදි 100ක් සහ ත්රිරෝද රථ 50ක් මිල දී ගැනීම සඳහා කැබිනට් අනුමැතිය හිමිව තිබෙනවා.
මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල විසින් මෙම යෝජනාව ඉදිරිපත්කර ඇති බව සඳහන්.
විශේෂ කාර්ය බලකාය යටතේ මුළු දිවයිනම ආවරණය වන පරිදි ප්රධාන කඳවුරු 76ක්, උප කඳවුරු 23ක් සහ විශේෂ ඒකක 14ක් ක්රියාත්මක වෙනවා.
එම බලකාය වෙත පැවරී ඇති රාජකාරි ඉටු කිරීම සඳහා දැනට පවතින යතුරු පැදි 314න් 90%ක් පමණ වසර 10කට වඩා පැරණි වීම හේතුවෙන් නිරන්තර කාර්මික දෝෂයන්ට ලක්වෙන බවයි සඳහන් වෙන්නේ.
එම තත්ත්වය විශේෂ කාර්ය බලකාය විසින් ක්රියාත්මක කරනු ලබන විශේෂ වැටලීම් ක්රමානුකූලව හා ප්රශස්ත මට්ටමින් ඉටු කිරීමට බාධාවක් වී තිබෙනවා.
ඒ අනුව, මත් උවදුර මැඩලීම සහ සංවිධානාත්මක පාතාල කණ්ඩායම් මර්ධනය කිරීම වැනි රාජකාරීන් කාර්යක්ෂමව යහ ඵලදායි ලෙස ඉටු කිරීමට හැකිවන පරිදි විශේෂ කාර්ය බලකාය සඳහා එන්ජින් ධාරිතාව 125cc ප්රමාණයේ යතුරු පැදි 100 ක් සහ ත්රිරෝද රථ 50ක් මිල දී ගැනීම පිණිස මහජන ආරක්ෂක සහ පාර්ලිමේන්තු කටයුතු අමාත්යතුමා ඉදිරිපත් කළ යෝජනාවට අමාත්ය මණ්ඩල අනුමැතිය මෙසේ හිමිව තිබෙනවා.
