ශ්රී ලංකාව කළ ඉල්ලීමට IMF වෙතින් යහපත් ප්රතිචාර!
ශ්රී ලංකා රජය කළ මූල්ය ඉල්ලීමක් සම්බන්ධයෙන් සලකාබැලීමට ජාත්යන්තර මූල්ය අරමුදලේ විධායක මණ්ඩලය ඊයේ – 19 වෙනි දා රැස් වූ අතර එහි ප්රතිඵලයක් ලෙසට අදාළ මුල්ය පහසුකම ලබාදීමට එකඟතාවය පළ වී ඇති බව වාර්ථා වේ.
ඒ අනුව, කඩිනම් මූල්ය පහසුකම වශයෙන්, අමෙරිකානු ඩොලර් මිලියන 206ක මුදලක් ශ්රී ලංකාවට ලබා දීමට ජාත්යන්තර මූල්ය අරමුදලේ විධායක මණ්ඩලය සිය එකඟතාවය පළ කර තිබේ.
‘දිට්වා’ සුළි කුණාටුවෙන් සිදුවූ විනාශයෙන් පසුව පවතින අභියෝගවලට මුහුණදීම සඳහා අමෙරිකානු ඩොලර් මිලියන 200ක කඩිනම් මූල්ය පහසුකමක් ලබාදෙන ලෙස පසුගිය දා ශ්රී ලංකා රජය ජාත්යන්තර මූල්ය අරමුදලෙන් ඉල්ලීමක් සිදුකරනු ලැබීය. ඒ අනුව එම අරමුදල විසින් ශ්රී ලංකාවට ලබාදෙන විස්තීර්ණ අරමුදල් ණය පහසුකමට අමතරව මෙම මූල්ය පහසුකම ලබාදීමට නියමිතය.
ජාත්යන්තර මූල්ය අරමුදල විසින් ලබාදෙන විස්තීර්ණ අරමුදල් පහසුකමේ 5වන සමාලෝචනය අවසන් කර ඇති අතර, ඊට අනුමැතිය ලබාදීම සඳහා විධායක මණ්ඩලය පසුගිය දෙසැම්බර් මස 15 වනදා රැස්වීමට නියමිතව තිබුණ ද, මෙම කඩිනම් මූල්ය පහසුකම ඉල්ලීම හේතුවෙන් එය කල්දමනු ලැබ ඇති අතර, ඒ සම්බන්ධයෙන් සාකච්ඡා නැවත ආරම්භ කිරීම සඳහා IMF මෙහෙයුම් කණ්ඩායමක් 2026 මුල් භාගයේදී ශ්රී ලංකාවට පැමිණීමට නියමිත බවද වාර්තා වේ.
END/MMP/20122025
