“ආදරයෙන් සුරකින්න – අපට ලොව දිනන්නාට” (ලෝකය දිනා ගැනීමට ආදරයෙන් අපව ආරක්ෂා කරන්න)
ඔක්තෝබර් 1 වන දිනට යෙදෙන ලෝක ළමා දිනය සැමරීම සඳහා ශ්රී ලංකා රජය 2025 සැප්තැම්බර් 25 සිට ඔක්තෝබර් 1 දක්වා “ළමා දින ජාතික සතියක්” ප්රකාශයට පත් කර ඇත.
“ආදරයෙන් සුරකින්න – අපට ලොව දිනන්නාට” (ලෝකය දිනා ගැනීමට ආදරයෙන් අපව ආරක්ෂා කරන්න) යන තේමාව යටතේ ක්රියාත්මක වන මෙම වැඩසටහන, ළමා සුභසාධනය, ආරක්ෂාව සහ බලගැන්වීම ප්රවර්ධනය කිරීම අරමුණු කරගත් ජාතික වැඩසටහන් මාලාවකින් සමන්විත වනු ඇත.
මෙම උත්සව කාන්තා හා ළමා කටයුතු අමාත්යාංශයේ මඟ පෙන්වීම යටතේ, පරිවාස හා ළමා ආරක්ෂණ සේවා දෙපාර්තමේන්තුව සහ අනෙකුත් ළමා කේන්ද්රීය ආයතන සමඟ සහයෝගයෙන් සංවිධානය කෙරේ.
රට පුරා දරුවන්ගේ අයිතිවාසිකම් සහ යහපැවැත්ම සඳහා දැනුවත්භාවය වැඩි කිරීමට සහ සහයෝගය බලමුලු ගැන්වීමට කැපවූ සතියක වැදගත්කම හඳුනා ගනිමින්, කාන්තා හා ළමා කටයුතු අමාත්යවරිය විසින් ඉදිරිපත් කරන ලද යෝජනාව අමාත්ය මණ්ඩලය විසින් අනුමත කර ඇත.
සතියක් පුරා පැවැත්වෙන සැමරුම ඔක්තෝබර් 1 වැනිදා ජාතික අනුස්මරණ උත්සවයකින් අවසන් වන බව වාර්තා වෙි.
END/MMP/29092025
