තෙදින ජාතික ශෝක කාලයක් සමග ජාතික කොඩිය අඩකුඹු වෙයි!
ප්රවීණ මානවවාදී, සංගීතවේදිනී, විශාරද නන්දා මාලනී මහත්මියගේ අභාවය හේතුවෙන් අද සිට දින තුනක ජාතික ශෝක කාලයක් ප්රකාශයට පත් කර ඇති අතර, එම ජාතික ශෝක කාලය තුළ සියලුම රාජ්ය ආයතනවල ජාතික කොඩිය අඩකුඹු කර තැබීමට කටයුතු කරන ලෙස රාජ්ය පරිපාලන, පළාත් සභා සහ පළාත් පාලන අමාත්යාංශය දැනුම් දී තිබේ.
ඒ අනුව අද (21), හෙට (22) සහ අනිද්දා (23) යන තෙදින ජාතික කොඩිය අඩකුඹු කර තැබීමට නියමිතය.
2026 අගෝස්තු 21 වන දින නිකුත් කළ එම චක්රලේඛයට රාජ්ය පරිපාලන, පළාත් සභා සහ පළාත් පාලන අමාත්යාංශයේ ලේකම් එස්. ආලෝක බණ්ඩාර මහතා අත්සන් කර තිබේ.
මේ සම්බන්ධයෙන් ස්වදේශ කටයුතු චක්රලේඛ අංක 04/2026 යටතේ අමාත්යාංශ ලේකම්වරුන්, පළාත් ප්රධාන ලේකම්වරුන්, දිස්ත්රික් ලේකම්වරුන්/දිසාපතිවරුන්, දෙපාර්තමේන්තු ප්රධානීන්, සංස්ථා හා ව්යවස්ථාපිත මණ්ඩල ප්රධානීන් වෙත දැනුම් දී ඇත.
