සීතාවකපුර පොලිස් නිලධාරීන්ට හිමි දිමනාවක් අතපසුවීමකින් දෙවරක් බැංකු ගතවෙලා
සීතාවකපුර පොලිස් නිලධාරීන් වෙනුවෙන් 2026 මැයි මාසයට අදාළව හිමිවිය යුතු ආහාර, පාන සහ නවාතැන් දීමනා බැංකුගත කිරීමේදී ලංකා බැංකු කළමනාකාරීත්වයේ සිදු වූ අතපසුවීමක් හේතුවෙන් එම දීමනා දෙවරක් බැංකුගත වී ඇති බව වාර්තා වේ.
මේ හේතුවෙන් සීතාවකපුර කොට්ඨාසයට අනුයුක්ත සියලුම දිස්ත්රික් භාර නිලධාරීන්, මූලස්ථාන පොලිස් පරීක්ෂකවරුන් සහ ස්ථානාධිපතිවරුන් වෙත සීතාවකපුර කොට්ඨාස භාර ජ්යෙෂ්ඨ පොලිස් අධිකාරීවරයා විසින් ලිඛිතව දැනුම්දීමක් සිදුකර ඇත.
එහි සඳහන් වන්නේ තමන්ට හිමි සාමාන්ය ආහාර සහ නවාතැන් දීමනාව පමණක් බැංකුවෙන් ලබාගැනීමට කටයුතු කරන ලෙසටය.
වැරදීමකින් දෙවරක් බැංකුගත වී ඇති අමතර මුදල නැවත බැංකුව විසින් අයකර ගැනීමට කටයුතු කරන බව දන්වා ඇති බැවින්, එම අමතර මුදල කිසිසේත් ගිණුමෙන් ලබානොගෙන එලෙසම තබන ලෙසට නිලධාරීන් අවධාරණය කර තිබේ.
