චෝදනා එල්ල වන විහාරාධිපති හිමියන්ට නීතිමය දඬුවම් ලබා දෙන ලෙස ඉල්ලා ජනතාව විරෝධතා දක්වති – මෙලනි මානෙල් පෙරේරා
ශ්රී ලංකාවේ ළමා අපයෝජනයට ලක් වූවන්ට යුක්තිය ඉටු කරන ලෙස ඉල්ලා මැයි 29 වන දින දිවයින පුරා විරෝධතා මාලාවක් පැවැත්විණි. විශේෂයෙන්, බලගතු විහාරාධිපතිවරයෙකු විසින් ලිංගික අතවරයට ලක් කරන ලද අනුරාධපුරයේ ගැහැණු ළමයෙකුගේ නඩුවේදී, නීතිය සැමට සමාන විය යුතු බවත්, රජය සහ පොලිසිය සහ නීතිපති දෙපාර්තමේන්තුව වැනි ආයතන චූදිතයාගේ පැත්තේ නොව වින්දිතයාගේ පැත්තේ සිටිය යුතු බවත් අවධාරණය කෙරිණි. විහාරාධිපති හිමියන් සියලු චෝදනා ප්රතික්ෂේප කර ඇති අතර, නඩුව ලබන මාසයේ නැවත අධිකරණයට ඉදිරිපත් කිරීමට නියමිතය. දිස්ත්රික්ක කිහිපයක දී ම මෙම විරෝධතාවන් සංවිධානය කිරීම සදහා කාන්තාවන් මූලිකත්වය ගෙන තිබුණි.
29 වන දා, කොළඹ, මීගමුව, ගාල්ල, පොළොන්නරුව, කෑගල්ල, ගම්පහ, මන්නාරම, යාපනය, ත්රිකුණාමලය, මඩකලපුව, බදුල්ල සහ පුත්තලම දිස්ත්රික්කවල සහ මැයි 28 වන දින නුවරඑළිය සහ කළුතර දිස්ත්රික්කවල සහ මැයි 27 වන දින උතුරු පළාතේදී විරෝධතා පැවැත්විණි.
අනුරාධපුරයේ බෞද්ධ ආගමික ස්ථාන අටක භාරකරු සහ ජ්යෙෂ්ඨ භික්ෂුවක් වන 71 හැවිරිදි පූජ්ය පල්ලේගම හේමරතන හිමියන්, 2022 වසරේ සිට 12 හැවිරිදි දැරියකට ලිංගික අපයෝජනය සිදුකළ බවට චෝදනා මත, මැයි 09 වන දින අත්අඩංගුවට ගන්නා ලදී. පසුව විදේශ ගමන් තහනමක් ඇතුළු අධිකරණය විසින් පනවන ලද සීමාවන් යටතේ ඔහු ඇප මත නිදහස් කරන ලදී.
චූදිත භික්ෂුව වන පල්ලේගම හේමරතන හිමි සම්බන්ධයෙන් චෝදනාව එල්ලවූ පසුගිය මාසයේ සිට, නියමිත වේලාවට නිසි පියවර නොගැනීම සම්බන්ධයෙන් රජයට සෘජුවම විරුද්ධතාව දක්වමින් විවිධ ප්රකාශ සහිත භාෂා තුනකින් ලියා ඇති පුවරු අතැතිව විරෝධතාකරුවන් විසින් විරෝධතා පාඨ උච්චාරණය කළහ.
රට පුරා පැවති විරෝධතා ව්යාපාරයේ දී ප්රධාන ඉල්ලීම් කිහිපයක් ඉදිරිපත් කළේය.
නීතිපති දෙපාර්තමේන්තුව අමතමින්, විරෝධතාකරුවන් ඉල්ලා සිටියේ අදාළ නඩුව වහාම අනුරාධපුර අධිකරණයෙන් කොළඹට මාරු කරන ලෙස ය.
පොලිස්පති කාර්යාලය අමතමින් විරෝධතාකරුවන් පොලිස්පතිවරයාගෙන් ඉල්ලා සිටියේ මේ පිළිබඳව පුළුල් පරීක්ෂණයක් පවත්වන ලෙසත්, පද්ධතිය තුළ දිගු කලක් තිස්සේ විභාග වෙමින් පවතින අනෙකුත් ළමා අපයෝජන නඩු කඩිනමින් සොයා බලන ලෙසත්ය. NCPA නීතිඥවරියට එරෙහිව මාර්ගගත ප්රහාර එල්ල කළ පොලිස් නිලධාරීන් පිළිබදව කටයුතු කළ යුතු බවටත්ය.
දරුවාගේ අධ්යාපනය නැවත ස්ථාපිත කිරීම සහ දරුවාගේ මානසික සෞඛ්යය සහතික කිරීම ඇතුළුව දරුවාගේ සමස්ත යහපැවැත්ම පිළිබඳව සොයා බලන ලෙස විරෝධතාකරුවන් ජාතික ළමා ආරක්ෂක අධිකාරියෙන් (NCPA) ඉල්ලා සිටියේය.
වින්දිත දරුවා සහ දරුවාගේ මව ආරක්ෂා කිරීම සඳහා වින්දිතයින් සහ සාක්ෂිකරුවන් ආරක්ෂා කිරීමේ අධිකාරිය ඇමතු අතර, NCPA නීතිඥවරුන් අමතමින්, වින්දිතයා වෙනුවෙන් පෙනී සිටීමට නීතිඥයින් සපයන ලෙස ඔවුන්ගෙන් ඉල්ලා සිටියහ.
සියලු උද්ඝෝෂණ වලදී, භේදයකින් තොරව, රට පුරා බොහෝ දෙනෙක් එක්සත් වී නීතියේ ආධිපත්යය රටේ සැමට සමාන විය යුතු යැයි ඉල්ලා සිටියහ.
“අපි අපේ බෞද්ධ භික්ෂූන් වහන්සේලාට හෝ කිසිදු ආගමකට අපහාස කරන්නේ නැහැ. නමුත් අපි රජයෙන් සහ ඊනියා බලධාරීන්ගෙන් ඉල්ලා සිටින්නේ මෙම ගැටලුව නිසි ලෙස නීතියට ගෙන ඒමට සහ පාර්ශවයන් නොගෙන හෝ අනුග්රහය නොදක්වා සියලු චූදිතයන්ට නීතිය නිවැරදිව ක්රියාත්මක කරන ලෙසයි,” කොළඹ උද්ඝෝෂණයට එක් වූ, “සවිස්ත්රි” කාන්තා සංවිධානයේ අධ්යක්ෂිකා
“අපේ දරුවන්ට සහ කාන්තාවන්ට බියෙන් තොරව තම ජීවිත ගත කළ හැකි පැහැදිලි සමාජයක් අපට අවශ්ය නිසා,” ඇය පැවසුවාය.
“අපි අපේ බෞද්ධ භික්ෂූන් වහන්සේලාට හෝ කිසිදු ආගමකට අපහාස කරන්නේ නැහැ. නමුත් අපි රජයෙන් සහ ඊනියා බලධාරීන්ගෙන් ඉල්ලා සිටින්නේ මෙම ගැටලුව නිසි ලෙස නීතියට ගෙන ඒමට සහ පාර්ශවයන් නොගෙන හෝ අනුග්රහය නොදක්වා සියලු චූදිතයන්ට නීතිය නිවැරදිව ක්රියාත්මක කරන ලෙසයි,” කොළඹ උද්ඝෝෂණයට එක් වූ, “සවිස්ත්රි” කාන්තා සංවිධානයේ අධ්යක්ෂිකා
පද්මා පුෂ්පකාන්ති මෝජෝ නිව්ස් වෙත පැවසුවාය.
“අපේ දරුවන්ට සහ කාන්තාවන්ට බියෙන් තොරව තම ජීවිත ගත කළ හැකි පැහැදිලි සමාජයක් අපට අවශ්ය නිසා,” ඇය පැවසුවාය.
මේවා කිසිදු ආගමකට එරෙහි විරෝධතා නොව, දරුවන්ගේ සහ කාන්තාවන්ගේ ආරක්ෂාව සහතික කිරීම සඳහා කරන කැඳවීමක්,” යැයි ඇය තවදුරටත් පැවසුවාය.
