ඓතිහාසික ඇසළ පෙරහැර මංගල්යයේ දෙවන කුඹල් පෙරහැර වීදි සංචාර කිරීම අද – නදීක දයා බණ්ඩාර
සෙංකඩගල ඓතිහාසික ඇසළ පෙරහැර මංගල්යයේ දෙවන කුඹල් පෙරහැර වීදි සංචාරය කිරීම අද (11) රාත්රී සිදුවේ.
රාත්රී 07 පසුවී මිනිත්තු 27ට දකුණු දිශාභිමුඛව නාථ, විෂ්ණු, කතරගම හා පත්තිනි දේවාල පෙරහැර සමඟින් ශ්රී දළදා මාලිගාවේ පෙරහැර වීදි සංචාරයට එක්වේ.
එම පෙරහැර දළඳා වීදිය, ඩී.එස්.සේනානායක වීදිය, කොළඹ වීදිය, කොටුගොඩැල්ල වීදිය, ඔස්සේ ගමන් කොට රජවීදියෙන් යළි ශ්රී දළදා මාලිගාව වෙත ගෙවැදීමට නියමිතය.
පළමු රන්දෝලි පෙරහැර ඊයේ රාත්රී විදි සංචාරය කළ අතර පෙරහැර නැරඹීම සඳහා දේශීය සැදැහැවතුන් සහ විදේශීය සංචාරකයන් රැසක් සහභාගීව සිටියෝය. පළමු කුඹල් පෙරහැර නැරඹීම මගින් කුඩා දරුවන්ගේ අපල, උපද්රව දුරුවන බවට පවතින විශ්වාසය හේතුවෙන් දරුවන් රැසක් පෙරහැර නැරඹීම සඳහා සහභාගී කරවා ගෙන තිබිණි.
පළමු කුඹල් පෙරහැර දින සාධාතුක පෙරහැර කරඩුව වැඩම කරවන ලද්දේ ශ්රී දළදා මාලිගාවේ ඇත් පංතියට අයත් ඉන්දිරාජා ඇතු වන අතර බුරුම රාජා සහ කෝට්ටේ රාජා ඇතුන් දෑලේ ගමන් ගත්තෝය.
දියවඩන නිලමේ ප්රදීප් නිලංග දෑල මහතා පළමු කුඹල් පෙරහැර ගමනට එක්විය.
