‘ක්ලබ් වසන්ත’ ඝාතනය: සැකකරුවන් තිදෙනෙකු අත්අඩංගුවට ගැනීමට පොලිසිය මහජන සහය පතයි

2024 ජුලි 08 වන දින අතුරුගිරිය ප්‍රදේශයේදී පුද්ගලයින් දෙදෙනෙකුට වෙඩි තබා තවත් සිව් දෙනෙකුට තුවාල සිදු කරමින් වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවන් තිදෙනෙකු සොයා ගැනීමට මහජන සහය අපේක්ෂා කරන බව ශ්‍රී ලංකා පොලිසිය පවසයි.

අදාළ සැකකරුවන් තිදෙනාගේ ඡායාරූප සහ විස්තර ද පොලිසිය විසින් නිකුත් කර තිබේ.

ඒ අනුව අදාළ සැකකරුවන් සම්බන්ධයෙන් යම් තොරතුරක් වෙතොත් පහත සඳහන් දුරකථන අංක ඔස්සේ දැනුම් දෙන ලෙස ඉල්ලා සිටියි.

1. ස්ථානාධිපති – බස්නාහිර පළාත් දකුණ අපරාධ කොට්ඨාසය – 072 4222223
2. ස්ථානාධිපති – අතුරුගිරිය පොලිස් ස්ථානය – 071 8591657

සැකකරුවන්ගේ විස්තර සහ ඡායාරූප පහතින් දැක්වේ,

01. වරුණ ඉන්දික ද සිල්වා හෙවත් “සංඛ” – (ජාතික හැඳුනුම්පත – 951350753V)
02. පෙති හරඹගේ අජිත් රෝහණ නොහොත් “චණ්ඩි” – (ජාතික හැඳුනුම්පත – 199207801772)
03. මුතුවන්දුර තරිඳු මධුසංඛ ද සිල්වා හෙවත් “බහිරවයා”