හිස තෙල් ගැල්වීමේ මධ්‍යම පළාත් උත්සවය ඓතිහාසික නාථ දේවාලයේදී – නදීක දයා බණ්ඩාර

හිස තෙල් ගැල්වීමේ මධ්‍යම පළාත් රාජ්‍ය උත්සවය සියම් මහානිකායේ මල්වතු සහ අස්ගිරි පාර්ශවයේ මහා සංඝරත්නයේ සහභාගිත්වයෙන් අද (15) පෙරවරුවේ මහනුවර ඓතිහාසික නාථ දේවාල පරිශ්‍රයේදී සිදුවිය.

පෙරවරු 10.17ට යෙදුණු සුභ මොහොතින් දකුණු දිශාව බලා හිස තෙල් ගැල්වීම සිදු විය.

මල්වතු පාර්ශවයේ අනුනායක පූජ්‍ය නියංගොඩ විජිත සිරි හිමි, අස්ගිරි පාර්ශවයේ අනුනායක පූජ්‍ය  වේඩරුවේ උපාලි හිමි, අස්ගිරි පාර්ශවයේ නියෝජ්‍ය ලේඛකාධිකාරී පූජ්‍ය නාරම්පනාවේ ආනන්ද හිමි ඇතුළු මහා සංඝරත්නයේ සහභාගිත්වයෙන් හිස තෙල් ගැල්වීම සිදුවිය.

හිස තෙල් ගැල්වීමේ මහෝත්සවය සඳහා සැදැහැවතුන් විශාල පිරිසක් එක්ව සිටි අතර  එම නැකතට ශ්‍රී දළදා මාලිගාවේ ඇත් පන්තියට අයත් කණ්ඩුල සහ මිගාර ඇතුන්ගේ හිස තෙල් ගැල්වීම ද එහිදී සිදුවිය.

මධ්‍යම පළාත් ආයුර්වේද දෙපාර්තමේන්තුව සංවිධානය කර තිබුණු මෙම අවස්ථාව සඳහා මධ්‍යම පළාත් ප්‍රධාන ලේකම් අජිත් ප්‍රේමසිංහ, මහනුවර දිස්ත්‍රික් ලේකම් චන්දන තෙන්නකෝන්, ආණ්ඩුකාර ලේකම් මංජුලා මඩහපොල, ගඟවට කෝරළය ප්‍රාදේශීය ලේකම් සම්පත් බණ්ඩාර ජයසිංහ, මහනුවර නාගරික කොමසාරිස් ඉෂාන් විජේතිලක යන මහත්ම මහත්මීන් ඇතුලු පිරිසක් එක්විය.

Leave a Reply

Your email address will not be published. Required fields are marked *