කතෝලික බැතිමතුන්ගේ ශ්රමදායකත්වය බොදුණු හිමිනමගේ පැසසුමට — මෙලනි මානලේ පෙරේරා
“කතෝලික බැතිමතුන් විසින් බෞද්ධ සාශනයේ කටයුත්තකට ශ්රමදායකත්වයෙන් ලබාදුන් සහයෝගය ඉතා විශාල පුන්ය කර්මයක් ලෙසින් කල්පිටියේ බෞද්ධ මධ්යස්ථානයේ ප්රධාන භික්ෂුන්වහන්සේ අගය කර සිටියහ. “අපේ පළාතේ පවතින ආගමීක සහජීවනයේ ප්රථිපලයක් වශයෙන් මා මේ සද්ක්රියාව අගය කරනවා. සතුටුවෙනවා.” යැයි කල්පිටිය බෞද්ධ මධ්යස්ථානයේ ප්රධාන සංඝනායක පුජ්ය බැඳිවැව දියසේන හිමි මෝජෝ පුවත් සේවයට පැවසීය.
“ඇත්තටම මට ඉතාමත් ම ප්රීතියක් දැණුනු දවසක් එදා. අපේ කල්පිටිය බෞද්ධ මධ්යස්ථානයේ අලුතින් සාදමින් සිටින චෛත්ය රාජයාණන්වහන්සේගේ කටයුතුවලට කල්පිටියේ මීසමේ පියතුමන්ලා සහ බැතිමතුන් කණ්ඩායමක් පැමිණ ශ්රමදායකත්වයක් මගින් ඔවුන්ගේ කාලයත් , ශ්රමයත් පිරිනැමීම ගැන මම අතීශය සතුටු වෙනවා. ඒවගේම බෞද්ධ ආගමේ කටයුතුත්තකට කතෝලික පියතුමන්ලා සහ බැතිමතුන් දායකවෙලා තමන්ගේ සහයෝගීතාව බෞද්ධ සාශනය වෙනුවෙන් දැක්වීම කියන්නේ අපේ පලාත තුළ තිබෙන සහජීවනය පෙන්නුම් කිරීමක්.
විහාරස්ථානයක් හදන්න යන විට හින්දු අන්තගාමීන් විසින් ඊට විරෝධතාවක් දැක්වූ අවස්ථාවේදී ඒ වෙනුවෙන් ඉදිරිපත් වුණු කතෝලික සභාව පන්සලක් මෙන් නොව පල්ලියක් මෙන් ගොඩනැගිල්ල සාදා පසුව වෙනස්කර ගන්න යැයි කතෝලික සභාව විසින් එදා අනගාරික ධර්මපාල තුමාට මෙන් ම බෞද්ධ සාශනයට සහයෝගය ලබා දී ඇති බව දියසේන හිමි පෙන්වා දුණි.“මම හිතනවා අපි ආගමීක නායකයෝ හැටියට අපි පවත්වාගෙන යන මේ සහයෝගීතාව, සම්බන්ධතාවන් අපි සමග සිටින, අපිව අනුගමනය කරන ජනතාව දකින්න ඕනේ. පිළිගන්න ඕනේ. එකිනෙකා අතර තියෙන පුංචි පුංචි තරහා අතහැරදාලා සමගියෙන් , සමාදානයෙන් ජීවත්වෙන්න උත්සාහා ගන්නවානම් ඒක තමයි මනුෂ්යයෝ හැටියට තියෙන ලොකුම වාසනාව.”
“ඒ සඳහා පුංචි ආදර්ශයක් දෙන්න තමයි අපි චෛත්ය හදන්න ශ්රම පරිත්යාගය සිදුකළේ” යැයි සම්පත් පියතුමා ප්රකාශ කළේය.
