ඇසළ පෙරහැර මංගල්‍යෙය් අවසන් කුඹල් පෙරහැර අද රාත්‍රී වීදි සංචාරයට එක්වේ. නදීක දයා බණ්ඩාර – මහනුව

 

ඓතිහාසික ඇසළ පෙරහැර මංගල්‍යෙයේ අවසන් කුඹල් පෙරහැර වීදි සංචාරයකිරීම අද (25) රාත්‍රී යෙදෙන සුබ මොහොතින් සිදුකිරීමට නියමිතය.
රාත්‍රී හත පසුවී මිනිත්තු දෙකට නාථ, විෂ්ණු, කතරගම සහ පත්තිනි යනසිව්මහා දේවාල පෙරහැර සමඟින් පිටත්වන ඇසළ පෙරහැර දළදා වීදිය,
යටිනුවර වීදිය ඔස්සේ ගමන් කොට රජවීදියෙන් යළි ශ්‍රී දළදා මාලිගාව වෙත
ගෙවැදීම සිදුවේ.
ඇසළ පෙරහැරේ සිව්වන කුඹල් පෙරහැර ඊයේ (24) වීදි සංචාරය කළ අතර එහිදී සධාතුක පෙරහැර කරඩුව වැඩම කරවන ලද්දේ කැලණිය රජ මහ විහාරයට
අයත් කණ්ඩුල ඇතු විසින්. එම ඇතු මහනුවර ඇසළ පෙරහැර මංගල්‍යයේ සධාතුක පෙරහැර කරඩුව වැඩම කරවන පළමු අවස්ථාව මෙය වේ.
මහනුවර කතරගම දේවාලයේ බස්නායක නිලමේ දමින්ද බණ්ඩාර උඩුරාවණ මහතා ඇසළ පෙරහැරෙහි ගමන් ගත් අතර දියවඩන නිලමේවරයා නියෝජනය
කරමින් ඒ මහතා ගමන් කළ පළමු අවස්ථාව ද මෙය වේ.
පෙරහැර නැරඹීම සඳහා අද දිනයේද විශාල සැදැහැවතුන් පිරිසක් සහභාගීව සිටි අතර ඔවුන්ගේ ආරක්ෂාව වෙනුවෙන් විශේෂ ආරක්ෂීත වැඩපිළිවෙලක් මෙම
කාලය තුළ සිදුවේ. පෙරහැර ගමන් ගන්නා මාර්ගය දෙපස ගොඩනැගිලි හා මහජනයා පරීක්ෂා කිරීම් ඇතුලුව ආරක්ෂිත වැඩසටහන් රැසක් ආරක්ෂක
අංශවල මැදිහත්වීම මත මෙම කාලය තුළ සිදුකෙරේ.
පෙරහැර ගමන් ගන්නා අවස්ථාවේ දී මහනුවර නගරය තුළ විශේෂ රථ වාහන සැලැස්මක් ද ක්‍රියාත්මකය.

Leave a Reply

Your email address will not be published. Required fields are marked *