අපෝස්තලික සොහොයුරියක් සිය 100 වැනි උපන්දිනය සහ 75 වැනි පැවිදි ජීවිතය සමරයි – මෙලනි මානෙල් පෙරේරා
‘ඇය තුළ මා දකින විශේෂත්වය නම්, එතුමිය මෙහි අප සමඟ ජීවත් වන නමුත්, ඇගේ ආත්මය සමිඳාණන් වහන්සේ සමඟ පැවතීමයි. මන්ද, ඇය ඉතා අභියෝගාත්මක සහ කීකරු ජීවිතයක් තුළින් ආදර්ශවත්, ලස්සණ, කැපවුණු , ජීවිතයක් අප ඉදිරියේ ගතකර ඇත. එබැවින් අද අපි එතුමිය වෙනුවෙන් දෙවියන්ට ස්තූතිවන්ත වෙමු. එතුමියගේ පැවිදි හවුලට ස්තූතිවන්ත වෙමු.” යැයි වැලන්ස් මෙන්ඩිස් රදගුරු හිමි ප්‍රකාශ කළේය.
හලාවත රදගුරු පදවියේ අපෝස්තලික පරිපාලක, වැලන්ස් මෙන්ඩිස් රදගුරු හිමිපාණන් එසේ ප්‍රකාශ කළේ අපෝස්තලික කාර්මෙල් නිකායේ
“මහිමය, ප්‍රශංසාව සහ ත්‍රිත්ව දෙවිදුන්ට ස්තුතිය” යන තේමාව යටතේ හලාවත රදගුරු පදවියේ පිහිටි නයිනමඩම ශාන්ත අන්තෝනි දේවස්ථානයේදී, දෙසැම්බර් මස 08 වන දින අපෝස්තලික කාර්මෙල් නිකායේ පැ
තියෝනිල්ලා පැවිදි සොයුරිය වසර 75ක් පුරාවට අපට ලබාදුන් ඉතාම ලස්සණ, කැපවුණු , ආදර්ශමත් පැවිදි ජීවිතය ගැන දෙවිමහෝත්තමයාණන්ට ස්තුති කරමින්, තවදුරටත් අවශ්‍ය මානසික හා ශාරිරික සුවය එතුමියට දානය කරන්න කියලා මේ උතුම් දිව්‍ය යාගය තුළින් අපි දෙවිමහෝත්තමයාණන්ගෙන් ඉල්ලා සිටිමු, දිව්‍ය පූජාව ආරම්භයේ දි යැයි රදගුරු හිමි සැදැහැවතුන්ගෙන් ඉල්ලා සිටියේය.
තුතිදීමේ දිව්‍ය යාගයේ දේශනය ආරම්භ කරමින් , “පූජක, පැවිදි දිවිය කියන්නේ දෙවියන්වහන්සේ තමන්ගේ ජනතාවට දෙන තිළිණයක්. වසර 75ක් පැවිදි දිවිය තුළ කැපවී සිටියා කියන්නේ දෙවියන්වහන්සේ එතුමියට ලබාදී තිබෙන ඉතාම අසාමාන්‍ය ආශිර්වාදයක්. අපේ දේව ජනතාව වසර 75ක් තිස්සේ දේව ආදරය ඔබතුමිය තුළින් අත්දැක්කා. අපි ඔබ ගැන සතුටු වෙනවා.” යැයි වැලන්ස් මෙන්ඩිස් රදගුරු හිමි පැවසීය.ලෝකය මවන්නටත් පෙර සිට ම දෙවියන්වහන්සේ අපි ගැන සිතා ඇති බව ශුද්ධ ලියවිල්ලෙහි සඳහන් වන බව සිහිපත් කළ රදගුරු හිමිපාණන්, අප සියලුම දෙනාව දෙවියන්වහන්සේ තෝරාගෙන තිබෙන්නේ විශේෂ කටයුත්තකට යැයි ද, උන්වහන්සේගේ දරුවන් හැටියට මේ ලොව තුළ ජීවත්වෙලා, දේවරාජ්‍යයට ගමන් කිරීමත්, ඒ යන ගමනට, අපගේ ජීවිත සාක්‍ෂිය තුළින් අනෙක් අයව ද , දෙවියන් වහන්සේ නොදන්නා මිනිසුන් ව ද කැටිව ගමන් කිරීමත් එම විශේෂ කටයුත්ත යැයි සිහිපත් කළේය.
පූජාප්‍රසාදිතුමෙක් හෝ පැවිදි කෙනෙක් කියන්නේ ඒ කාර්යයට නායකත්වය දෙන්න කැඳවා තිබෙන කෙනෙක් යැයි ප්‍රකාශ කළ රදගුරු හිමි, දෙවියන් තුළ පූජක පැවිදි අප ගමන්කරනවා දැකීම අද දේව ජනතාව අපෙන් බලාපොරොත්තු වන කාරණාවක් යැයි ද පැවසීය.
“තියෝනිල්ලා පැවිදි සොයුරිය ඒ ආදර්ශය ලෝකෙට දීලා තියෙනවා. ජීවිතයේ කීකරුකම, දුෂ්කර තැන් සොයාගොස් සේවය කිරීම, හැම කෙනාටම ආදරය කිරීම, අභියෝග පිළිගැනීම නැතිව ජේසුගේ ජීවිතය ජීවමාන කරන්න බැහැ. ඒ දේ මේ පැවිදිය සොයුරිය ඉටුකර තිබෙනවා.” යැයි රදගුරු හිමි ප්‍රකාශ කළේය.“ඇය තුළ මා දකින විශේෂත්වය නම්, ඇය මෙහි සිටින නමුත් ඇගේ ආත්මය සමිඳාණන් වහන්සේ සමඟයි. අපි අද දෙවියන් වහන්සේට එවැනි ආදර්ශමත් ජීවිතයක් ඔප්පු කරනවා. අපි නිකම්ම නිකම් ලස්සන අංක 100 සමරනවා නොවෙයි. එතුමිය අප ඉදිරියෙහි පෙන්වා ඇති ඉතාම ලස්සණ, ආදර්ශමත් ජීවිතයක් තමයි අපි සමරන්නෙ. ඒ නිසා අපි ඔබ වෙනුවෙන් දෙවියන් වහන්සේට ස්තුති කරනවා. ඔබගේ පැවිදි හවුල ගැන දෙවියන් වහන්සේට අපි ස්තුති කරනවා.” යනුවෙන් රදගුරු හිමි සුභාශිංසන එක්කළේය.
“වසර 75ක් තුළ සේවා කාලය තුළදී රටේ හැම තැනකම, ඇය සේවයකළ ප්‍රදේශවල වගේ ම මුත්තුර් , ත්‍රිකුණාමලය වැනි උතුරු නැගෙනහිර පළාත්වල දී ද කුසගින්නේ හිටපු ජනතාවට, යුද්ධයෙන් බැටකෑ ජනතාවට ආහාර පාන ලබාදුන්නා වගේ ම මහරගම අපේක්‍ෂා රෝහලේ රෝගීන් වෙත ද එතුමිය සිය දයාවේ දෑත් දිගු කළා. ඒ ආකාරයෙන් දෙවි පියාණන්ගේ කැමැත්ත ඉටුකරන්නට සිය සමිපුර්ණ ජීවිතය නියම මග ගෙනයමින්, සිස්ටර් තියොනිල්ලා ඉතාම ආදර්ශමත් කැපවුණූ ජීවිතයක් ගත කළ බව සියැසින් අපි දුටුවා. දැනුත් දකිනවා. ඒ නිසයි අපි ඇයට “නයිනමඩමේ සාන්තුවරිය” කියා ආමන්ත්‍රණය කරන්නේ. ඒ නිසයි අපි ඇයට “නයිනමඩමේ රෝස මල” කියා ආමන්ත්‍රණය කරන්නේ.” නයිනමඩම මීසම් ජනතාව නියෝජනය කරමින් සමරු කමිටුවේ පැට්ට්‍රික් ප්‍රනාන්දු විසින් පැවිදි සොයුරිය පිළිබඳ කෙටි ගුණ කථනයක් සිදුකළේය. “යුද්ධය නිසා කන්න නැතිවුණු අයට ආහාර සොයා දුන්නා. හමුදාවේ අත්අඩංගුවේ පසුවුණු අයව බලන්න ගියා. අධ්‍යාපනයේ සහ අධ්‍යාත්මික පිපාසාවෙන් සිටී හැමදෙනාට ම පිළිතුරක් වුණා. අනුන්ගේ ප්‍රශ්ණ තමන්ගේ කරගෙන ඒවාට විසඳුම් ලැබෙනතුරු ඔවුන් අත්නාරින්නට අපේ සිස්සටර් පුදුමාකාර දක්‍ෂකමක් දැක්වුවා.” යනුවෙන් වැඩිදුරටත් ඔහු ප්‍රකාශ කළේය.උපන්දින කේක් කපා සිය100වන උපන්දිනය සමරන්නට සියලුම දෙනා එක්විය.
“දෙවියන්වහන්සේගේ ආදරය අධික ලෙස මම අත්දකිනවා. අද දවසෙත් මේ සියලුම දෙයකින් ම මම අත්දකින්නේ දේව ආදාරය පමණයි. දෙවියන්වහන්සේ මට කොච්චර ආදරේ ද කියලා චූටි කාලේ ඉඳලාම මගේ ජීවිතයේ හැම අවස්ථාවකදී ම මම අත්දැක්කා. මගේ උපන්දිනය සමරන අද දවසේදීත්, මා වෙනුවෙන් සිදුකරන මේ සියලුම දේ තුළින් ද ජේසු මට පෙන්වා දෙනවා මා වෙත දෙවියන්වහන්සේගේ ආදාරය කොපමණද කියලා.” මෝජෝ පුවත් වෙත තියෝනිල්ලා පැවිදි සොයුරිය පැවසීය.දිගුකාලීනව ගුරු වෘත්තීයේ ද පසුව විවිධ මානූෂීය ක්‍රියාකාරකම්වලද නිරත වෙමින් පුරා වසර 75ක් දෙවියන්ට ප්‍රසන්න, ආදර්ශමත් , කැපවුණූ පැවිදි දිවියක් ගත කළ තියෝනිල්ලා පැවිදි සොයුරිය, වර්ථමානයේදි නයිනමඩම ශාන්ත පවුස්තිනා කන්‍යාරාමයේ විවේක සුවයෙන් පසුවන්නීය.
මේරි තියෝනිලා පැවිදිය සොයුරිය 1922.12.08 වන දින කොළඹ පදවියේ ජා-ඇල, වෑවල දී සෙබස්තියන් සිල්වා මහතා සහ මොනිකා නෝනිස් දෙමාපියන්ට දාව උපත ලැබු අතර සිය ප්‍රාථමික අධ්‍යාපනය වෑවල ශාන්ත ෆ්‍රැන්සිස් සේවියර් බාලිකා විද්‍යාලයෙන් ලබාගත්තේය. 1945 මැයි මස 24 වනදා ඉන්දියාවේ මංගලෝර්හි ශාන්ත ආනා කන්‍යාරාමයේදී සිය දේව කැඳවීමට පිළිතුරු දීම ආරම්භ කළාය. මැංගලෝර් හි ශාන්ත මරියා කන්‍යාරාමයේ අධ්‍යාපනයෙන් අනතුරුව 1948 ජනවාරි මස 07 වෙනිදා ඇය සිය පළමු වේදභාරය සිදුකළ අතර, මැංගලෝර් හි මේරි හිල් කන්‍යාරාමයේ අධ්‍යාපනය ලැබීමෙන් පසුව 1953.05.25 දින සිය අවසන් පොරොන්දු දීම සිදුකළේය. පසුව 1954 දී පෙරළා ශ්‍රි ලංකාවට පැමිණීමෙන් අනතුරුව කොල්ලුපිටිය ශාන්ත අන්තෝනි පාසෙලන් ගුරු වෘත්තීය ආරම්භ කර 1982 වසරේ ගුරු වෘත්තියෙන් ඉසිඹු ලබා, උතුරු- නැගෙනහිර පළාතේ සිට මානූෂීය මෙහෙයුම් වැඩසටහන් හා සම්බන්ධ විය. 
