ගැටුම් අතරතුර ඉන්දියාවට පලා ගිය සරණාගතයින් යළි ශ්‍රී ලංකාවට පැමිණේ අධිකරණ ඇමති – මෙලනි මානෙල් පෙරේරා
වසර 26ක සන්නද්ධ අරගලයේදී ඉන්දියාවට පළා ගිය ශ්‍රී ලාංකික සරණාගතයින් 11,000කට අධික පිරිසක් යළි දිවයිනට පැමිණි බව අධිකරණ අමාත්‍ය විජයදාස රාජපක්ෂ මහතා පවසයි.
අලුතින් ආපසු පැමිණි සරණාගතයින්ට උපහාර දැක්වීම සඳහා ඔක්තෝබර් 31 සඳුදා පැවති උත්සවයකදී අමාත්‍ය විජේදාස පැවසුවේ ආපසු පැමිණි 11,712 න් 4,063 ක් යාපනය දිස්ත්‍රික්කයේ පදිංචිව සිටි පුද්ගලයින් බවය.
“ආපසු පැමිණි සරණාගතයින් කෙරෙහි රජයේ පූර්ණ අවධානය යොමු වනු ඇති බවත් පුද්ගලයන් 11,712 දෙනා මුහුණ දෙන ගැටලුවලට අවධානය යොමු කරනු ඇති බවත්, ආපසු පැමිණෙන සරණාගතයින්ට සහාය වීම සඳහා දියත් කරන ලද ජංගම සේවාවක් හඳුන්වා දෙමින් අමාත්‍යවරයා පැවසීය.
එමෙන්ම ප්‍රශ්න රැසකට මුහුණ දී ඉන්දියාවේ සිට පැමිණි පිරිස් රටේ කිසිදු ප්‍රදේශයක පුරවැසියෙකුට දෙවැනි නොවන බව සඳහන් කළ අධිකරණ අමාත්‍යවරයා, කිසිදු භේදයක් ඇති නොවනු ඇති බවත්, ඔවුන්ගේ අයිතීන් සුරැකීමට කැපවී සිටින බවත් ,සැමට සමාන අයිතිවාසිකම්, හිමිකම්, ආරක්ෂාව සහ අභිමානය හිමි වනු ඇති බවත් ප්‍රකාශ කළේය.
“ඔවුන්ගේ අනාගතය සුරක්ෂිත හා සාර්ථක කිරීම අපගේ යුතුකම” යැයි ඔහු වැඩිදුරටත් පැවසීය.
එක්සත් ජාතීන්ගේ මානව හිමිකම් කවුන්සිලය (UNHRC) විසින් ශ්‍රී ලංකාවේ මානව හිමිකම් සම්බන්ධයෙන් සම්මත කරන ලද දැඩි නව යෝජනා ඉදිරියේ මෙම නව ප්‍රවනතාව මතුවී ඇත.
